Kuzimu ambao Bwana alimpa
Angelica Zambrano. Alionyeshwa
uzuri wa Mbinguni na pia watu wengi
ambao wamelizia maisha yao katika
mateso ya milele ya Kuzimu kwa sababu ya dhambi mbalimbali.
Alipewa maonyo muhimu kwa habari
ya kanisa na aliambiwa kuwa
asilimia chache tu ya Wakristo wako
tayari kwa ajili ya KURUDI KWA
BWANA. Mwinjilisti Angelica Zambrano anaishi
Ecuador Amerika ya Kusini. Ilikuwa
yapata saa 6:30 usiku wakati
uzoefu wa karibu na kufa na ufunuo wa
mbinguni na kuzimu ulipoanza (angalia
video yote mwishoni mwa makala hii kwa maelezo zaidi).
Watumishi na ndugu wote walikuwepo
katika maombi wakati wa uzoefu huu.
Jambo la kwanza ambalo lilitokea ni
kwamba malaika alimchukua kutoka
nyumbani kwake na kumtazamisha katika muonekano wa kimbingu. HALI YA KANISA – NI WACHACHE
TU WAKO TAYARI Katika muonekano wa kutokea mbinguni
malaika alisema " Angalia unaona dunia.
Angalia katika makanisa
yote na makusanyiko ya dunia. Kanisa
hili lina waumini 20,000. Kuna jingine
lina waumini 10,000. Kanisa hili jingine lina waumini 1000. "Aliendelea
kunionyesha makusanyiko mengine
mengi na kisha alisema" Lakini
kuna watu wachache sana katika
makanisa haya ambao ni Kanisa la kweli
. " Malaika alisema, "Ni lazima mimi
niwaambie kile Baba anataka mimi
nikuambie ". Malaika Mkuu Michael
ndiye aliyekuwa akizungumza na mimi.
Alisema, " Angalia katika dunia.
Makanisa yamejazwa na dhambi, kuna dhambi nyingi sana katika
makanisa haya. Wengi wa watu hawa
wamekufa kiroho " . Kupitia malaika, Bwana alinionyesha
kwamba 80% ya Kanisa la Kiinjili la
Kikristo duniani (Evangelical
Christian Church) wataachwa nyuma .
Wataachwa nyuma kwa sababu wao ni
baridi . Kwa sababu hawatafuti uwepo wa Mungu. Kwa sababu ya
dhambi zao. Kwa sababu wamekata
tamaa. Ni 20% tu watanyakuliwa (
kunyakuliwa ) kuwa pamoja na Yesu , hii
ni kwa Wakristo wa kweli pekee. Hii ni
kwa sababu neno lake linasema ` Wengi wamealikwa, lakini wachache wameteuliwa'(Mathayo
22:14). Sisi wote tumeitwa/tumealikwa lakini sio tu
kualikwa pekee, ni lazima kuchaguliwa/
kuteuliwa. Napenda kueleza kile kinachofanyika
ndani ya makanisa mengi. Kuna udini
mwingi sana. Hakuna uaminifu katika neno la Mungu. Ndani ya kanisa,
kaka na dada wanamsifu Bwana kwa
furaha. Wanafurahia, wanacheza na kunena kwa lugha. Lakini mara
wanaporudi tu nyumbani wanakuwa
tofauti kabisa. Wanatenda kama shetani Page 2 mwenyewe. Hiki ndicho kinafanyika.
Watu wanakwenda nyumbani na
kuongea mambo ambayo huumiza moyo wa Mungu. Nyumbani hawaombi ,wala
kusoma neno la Mungu au kutafuta
uwepo wake. Mungu hapendi mtu yeyote kati yetu aachwe nyuma.
Inaniumiza kwamba 80% ya waumini wa
makanisa hawako tayari kwa ajili ya kurudi kwa Bwana . Kwa sababu
makanisa machache tu ndiyo huonyesha
upendo wa kweli wa Yesu. Kulikuwa na malaika pande zote, kisha
Yesu akasema nami, wakati malaika
wamekaa kimya. Bwana akaniambia "Binti moyo wangu unaumia kuona jinsi watu wengi
wamekata tamaa. Kuona jinsi watu
wengi walivyorudi nyuma. Waambie watu
wangu warudi katika njia zao za
zamani, ule upendo wa kwanza " Kanisa, ni lazima kuwatia moyo waumini.
Kuwaambia wamtafute Mungu, wakatae
unafiki. Sikiliza kile ambacho Bwana aliniambia. Bwana
akaniambia "Je, unajua amri ipi kanisa langu wamesahau? Wengine wanadhani ni Upendo. Wengine
wanafikiri ni imani. Amri
iliyosahauliwa ndani ya kanisa langu
ni Utakatifu. Neno langu kusema '
Kuweni watakatifu , kwa kuwa mimi
ni mtakatifu."(1Pet1:16). Hiki ndicho, Bwana alisema, Imetupasa kuwa
watakatifu ndani na nje. Ni Lazima tuwe
na moyo safi, moyo safi ambao umejazwa na uwepo wake. Moyo
uliojazwa upendo wake. Moyo uliojazwa
Mungu. Ufu 3: 15-16 Nayajua matendo yako, ya
kuwa hu baridi wala hu moto; ingekuwa
heri kama ungekuwa baridi au moto. 16 Basi, kwa sababu una
uvuguvugu, wala hu baridi wala moto,
nitakutapika utoke katika kinywa changu…
.19 Wote niwapendao mimi nawakemea,
na kuwarudi; basi uwe na bidii, ukatubu. UFALME WA MBINGUNI Kisha malaika akaniuliza "Je, uko tayari?
Bwana ametutuma kwa kusudi hili". Mimi nikajibu" Ndiyo,
niko tayari" kwa kuwa Bwana alikuwa ameniondolea
mbali hofu zangu zote. Tukio hilo lilikuwa ni tofauti na matukio
mengine mawili yaliyotangulia. Wakati huu sikwenda
mbinguni kwa namna ile kama mwanzo. Wakati huu ghafla
naliingia katika Ufalme wa mbinguni. Nilipotazama nilitambua
nilikuwa nimevaa vazi zuri jeupe. Tukaanza kutembea na malaika
walikuwa wakimuabudu Bwana na kusema "Angalia kote kwani
tuna mambo mengi ya kukuonyesha". Nami nikaanza kuona
sehemu zile nilikuwa nikiziona katika
uzoefu wangu wa kwanza kama vile maua na bustani nzuri. WATOTO MBINGUNI Tulipopita bustanini tukafikia mahali
fulani ambapo palijazwa watoto wengi.
Watoto hawa walikuwa na umri wa miaka kati ya 2-3. Walicheza,
walifanya michezo na kuimba. Malaika
walisema." Angalia, walio kama hawa Ufalme wa Mbinguni ni wao.
Kumbuka, ni kwa wale tu ambao
wanafungua mioyo yao. Wengi wa
watoto hawa waliuawa. Wengi walitolewa
kwenye mimba zao. Mama zao
walikatisha maisha yao."Watoto walimuabudu Bwana na kucheza
kwenye kile kilichoonekana kwangu
kuwa ni bembea. Nilipowasogelea walisogea karibu sana kwangu. Malaika
Mkuu Michael akaniambia "Leo Bwana
anakupa upendo mkubwa kwa watoto". Hapo awali niluwapenda
watoto lakini wakati mwingine nilichukia
tabia zao, kulia, kunung'unika au kuzungumza sana. Niliwapenda wakae
tu kimya. Michael akasema " Mungu
anakupa upendo mpya kwa ajili ya Page 3 watoto. Utakaporudi duniani, utakuwa
kama asali kwao. Watakutafuta na
utakuwa baraka kwao. Unajua kwa nini Mungu ameweka upendo huu katika
moyo wako kwa ajili ya watoto ? Mungu
anataka wewe uvune roho zao. Kuna watoto wengi katika
Jahannamu. Lazima huzungumze na
wazazi wao ili wajue. " Watoto wengi katika kizazi hiki ni waasi.
Hawawatii wazazi wao. Siku hizi, watoto
hudanganywa na Shetani kwa njia ya televisheni. Vipindi vingi
wanavyojenga havijengi kwa njia
yeyote. Wazazi hawatambui hilo, lakini kuna watoto wengi wanaangalia picha
za ngono. Katuni zinazokuja kwa njia ya
TV hazitoi elimu, zimejaa uovu. Watoto husukumwa na
maonyesho hayo na wao huwa waasi.
Wanaendelea daima kutowatii wazazi
wao. Kwa sababu hii watoto hawa huishia
Kuzimu. (Angalia Angelica ushuhuda wa
2 kwa maelezo zaidi). Waefeso 6:1 "Watoto, watiini wazazi
wenu katika Bwana, kwa maana kufanya
hivyo ni vizuri. "Waheshimu baba yako na mama yako," hii ndio amri
ya kwanza yenye ahadi, 3 "upate baraka
na uishi siku nyingi duniani." Mbinguni, watoto walikuwa wakiomba,
wakicheka na kumuabudu Bwana.
Nilikuwa na furaha kubwa kuona furaha yao. Malaika aliniambia kuwa
wengi wao walikuwa wametolewa, ni
kweli iliumiza moyo wangu sana. Na unajua nini maana ya huzuni?
Wanawake wengi wamekuwa wakitoa
mimba. Vijana na wazee, walioolewa na ambao bado. Wanawake hawa
hawakuwa wanataka watoto hawa.
Wakati mwingine baba zao waliwasindikiza pamoja nao kliniki.
Watoto wale wanakwenda mbele ya
Mungu. Lakini wanaume na wanawake wa duniani wanahesabiwa
kuwa wauaji. Neno la Mungu linasema
kwamba hakuna muuaji yeyote yule atakayeingia katika ufalme wa
mbinguni (Gal 5:19-21, Rev 21,8). Kama
umefanya hivi Tubu hivi leo. Kama hutaki kutubu na kuomba Mungu
kwa ajili ya msamaha hiki ndicho
kitafanyika siku yako ya hukumu. Watoto wako watakuja kama ushahidi
juu yenu na kusema "Wewe ulikuwa
mama yangu, ulikuwa baba yangu, na alichukua uhai wangu".
wanakupendeni, wamewasamehe, lakini
kama hutaki kutubu dhambi hii,
utakwenda kuzimu milele. Ndani ya makanisa
dhambi hii imekuwa ikifanyika. KUINGIA KUZIMU Kisha tukarudi mahali pale Yesu
alikuwa, nilikuwa ni mwenye furaha. Nilipomkaribia Bwana alinichukua
mkononi. Mara alipogusa mkono wangu nilijisikia kama mtoto mchanga
aliyeguswa na Baba mwenye upendo. Yesu aliponishika mkono
wangu tulianza kushuka kuelekea mahali pa giza sana. Niliweza kuona
kulikuwa na miali mikubwa ya moto. Yesu aliniambia "Tunakwenda kwenye moyo wa kuzimu". "Moyo wa kuzimu? Kuzimu ina moyo?
"Mimi nilimuuliza. Alijibu "Ndiyo binti yangu, Kuzimu ina moyo,
mimi nitakuonyesha nini kilichopo ndani yake. Kuna
wachungaji wengi, wainjilisti,
manabii na mitume katika sehemu hii. Watu
hawa mara ya kwanza walinitumikia lakini sasa wako katika
eneo hili ". Nilianza kulia na kusema "Hapana zaidi Bwana, sitaki
kuona hili tena". Nilihisi nilishuhudia vya kutosha. Lakini
tuliendelea kushuka kupitia njia iliyokuwa kama giza mpaka kwente
nguzo zilizokuwa kama mlango. Mlango ukafunguka nasi tuliingia. Page 4 MCHUNGAJI ALIYEASI Tulipoingia nikasikia sauti ya mtu
imesikika akilia "Baba Baba, nitoe
mahali hapa. Siwezi kuvumilia tena ". Nilimuuliza Bwana "Ni nani huyo? Ni
lazima atakuwa anakufahamu alipokuwa
duniani kwa sababu umesema utanionyesha watu ambao waliwahi
kukutumikia wewe. Sielewi kwa nini
amesema wewe kama `Baba`, wakati yeye yuko Kuzimu? "Bwana akasema" Alikuwa Mchungaji "Mtu huyu akasimama pale akijifanya ameshika Biblia. Yule mtu katika kuzimu
aliendelea kuhubiri `Tubu,tubuni ndugu,
Kanisa la Kristo, ni lazima mtubu. Niliuliza "Kwa nini anahubiri mahali hapa
BWANA". BWANA akaniambia "Kile watu walifanya duniani huendelea kukifanya katika eneo hili" (Gal 6:7-8). Nami nikaanza kulia na
nikauliza "Kama alikuwa mchungaji kwa nini yuko mahali hapa?"
Yesu alisema "Binti, ni kutokana na hivi". Nilionyeshwa maisha yake akiwa
duniani kwenye screen iliyojitokeza
mbele yangu. "Duniani alikuwa mwenye upendeleo kwa watu.
Alionyesha upendeleo kwa watu wa
madaraja mbalimbali katika mahali pangu patakatifu. Kuonyesha
upendeleo ni dhambi. Alihubiri mara
nyingi kutoka kwenye mimbari huku akionyesha upendeleo. Alionyesha
upendeleo kwa watu wenye mali,
kwa watu ambao walikuwa daraja la juu. Wale watu walikuwa na fedha,
lakini hawakuwa na hofu ya neno
langu. Alionyesha upendeleo kwa watu wale ambao hawakuwa na hofu
ya Mungu; katika nyoyo zao. "Nikalia kwa Bwana" Bwana sikujua kuonyesha upendeleo ni dhambi.
"Alisema" Ndiyo binti, watu wengi walitaka kunitumikia na kuwa na sehemu ya kanisa lake hilo, lakini
hakuwaruhusu kushiriki. Mchungaji
huyu kamwe hakutubu ili atoke kwenye upendeleo. Kwa sababu ya
dhambi hii, watu wengi hawakuja
kwake. Hii ni sababu yeye yuko
katika eneo hili. Hata kuzimu anahubiri neno
langu kwa upendeleo "(Gal 6,7-8). Yakobo2:8 8 Kama kweli mnatimiza ile
sheria ya kifalme iliyomo katika
Maandiko, "Mpende jirani yako kama unavyojipenda mwenyewe," mnafanya
vema. 9 Lakini kama mnafanya ubaguzi,
mna tenda dhambi na sheria inawahukumu kuwa ninyi ni wakosaji. 10
Kwa maana mtu ye yote anayetimiza
sheria yote isipokuwa akashindwa kutimiza sehemu moja tu,
amekuwa na hatia ya kuvunja sheria
yote. (tafadhali soma yakobo sura yote ya 2 ambayo inahusika na dhambi
ya upendeleo- kuonyesha upendeleo au
ubaguzi ). Kule Kuzimu, mtu huyu aliifuata nafsi na
kusema "Chukua hii, Nashiriki Biblia
yangu pamoja na wewe, hubiri" . Alimwangalia Yesu na alisema, "Baba ,
siwezi kuvumilia kuwa mahali hapa tena.
Sitaki kutenda dhambi tena. Nipe nafasi nyingine tena "Bwana
alijibu" ! hakuna fursa nyingine zaidi kwa ajili yako. Umechelewa sana. " Bwana aliposema hayo, mchungaji
akaanza kulaani na kukufuru. Nikasema
" Bwana, sitaki kuona mambo haya tena , tunaweza kuondoka?" Akanijibu
"Hapana". Kuna waumini kila mahali
ambao wanafanya upendeleo. Ingawa inaonekana haina maana sana,
ni dhambi kubwa. Bwana aliniambia
kuwaambia watu "Usipendelee watu ni dhambi" MZIGO WA BWANA Katika uzoefu Sijawahi kuona uso wa
Bwana. Napenda daima kuangalia
mavazi yake au mikono yake, lakini kamwe siwezikuona uso wake. Kila
wakati nikijaribu kuuona uso wake
najihisi kama nitakuwa kipofu. Mara nyingi naona machozi yakitoka chini ya
nguo zake. Viatu vyake ni dhahabu.
Wakati ule machozi yakifika katika viatu vyake, hubadilika na kuwa
kama changarawe zenye thamani. Mara
nyingi Yesu akianza kulia. Anasema "Binti, moyo wangu una maumivu". Moyo wake unaumia akituona yeye katika dhambi. Nasema sisi, kwa sababu mimi pia najiweka.
Mungu hataki kutuona tunafanya
dhambi. Kusudi la Mungu ni kutufanya Page 5 tutembee katika roho na siyo kutimiza
tamaa za mwili (Gal 5,16-18). Anatamani
sisi tufanye mambo makubwa kwa ajili ya ufalme wake. MIZIKI YA KIDUNIA NDANI YA
KANISA Bwana akasema, "Nitakuonyesha dhambi nyingine inayofanyika juu ya
madhabahu ya makanisa. Ni kuhusu muziki." Bwana alinionyeshea watu wakicheza na kusikiliza miziki ya rock,
miziki ya rap na nyimbo za reggae katika makanisa. Hii haimpendezi
Bwana. Neno la Mungu linasema
anatutaka sisi tumwabudu katika Roho
na Kweli. Hasemi anatafuta ambao wana
rap katika roho na kweli. Tulienda sehemu nyingine Kuzimu na
nikaona mkristo kijana ambaye alikuwa
akiimba muziki wa kikristo wa rap au muziki wa staili ya reggae.
Nikamuuliza Bwana 'Kwa nini yuko
mahali hapa? Bwana kwa kweli nahitaji kujua kwa nini yuko mahali hapa? Kwa
nini anaimba?". Wakati huu nilikuwa
nakumbuka jinsi wanamuziki wengi walivyokuzimu Selena, Michael Jackson, na wanamuziki wengine wengi wanaungua katika moto wa Kuzimu. Nikamuuliza Bwana je, alikuwa
akiimba katika kanisa?". Alijibu "Ndiyo binti aliimba katika kanisa ." Bwana hakusema kitu kingine chochote baada ya taarifa hiyo. Nilianza kuongea na kijana huyu.
Alisema "kina langu ni marko.Niko
mahali hapa kwa sababu sikumuabudu Bwana. bali niliimba miziki ya aina ya
rap. Nilikuwa nikiimba miziki hii katika
kanisa lakini sikupenda kuomba, sikuwa na maisha ya
maombi.Sikupendelea kutafuta uwepo
wa Mungu badala yake. Lengo langu katika kuimba nyimbo hizi ilikuwa ni
kuwavutia vijana kanisani. Nilitaka
makundi ya kihuni yaje kanisani, sikuweza kutambua ni Mungu pekee
ndiye ambaye angeweza kuwavuta . Ni
Yeye peke yake ambaye anashughulika na nyoyo zao. " Nilimuuliza "Ni kwa muda gani
umekuwepo mahali hapa? je kuna
sababu nyingine yoyote ya wewe
kuwepo hapa? ".Alisema, " miaka 4. Ndiyo
nilikuwa na kiburi sana, Niko pia hapa
kwa sababu hiyo. Hapa mapepo unitesa na daima hunicheka wanasema '
miziki ya kiduni ni chombo tunachotumia
kuleta vijana mahali hapa.' Marko alikuwa amefungwa kabisa
wakati anasema nami . Mikono yake na
mwili yake vilikuwa vimefungwa na nyoka. Alikuwa akilia na kuniuliza mimi "Je,
unaweza kunisaidia?" Nikamjibu "Hapana Marko, naweza
kama ningeweza lakini siwezi". Alinijibu "Najua kamwe siwezi kutoka
nje ya hapa. Niangalie, niko nateseka. Wakati nilipokufa nilianguka
katika tanuru. Baada ya kufika chini ya tanuru mwili wangu ulilipuka kwa
kuwa nimefika kuzimu. Minyoo huwa inatoka nje ya mwili wangu na
nimebakia katika adhabu hizi hata sasa. Nimekuwa na umbo baya na moto wa
kuzimu unaendelea kunichoma. Siwezi kuvumilia tena. Mapepo
yanasema huu ni ufalme wangu na
kwamba Shetani ni mungu wangu ". Nilisema "Naelewa, lakini Marko duniani
ulikuwa na nafasi ya kutubu." Akasema kwa sauti "Wambie vijana
wamuabudu Yesu. Wambie kanisa lote Waabudu. Mungu anatafuta waabudio
halisi! "Baada ya Marko kuongea moto
ulikuja kati yetu. Niliposogea tu mbali akawa amezungukwa na miali ya
moto. Wakati tunazungumza moto
ulikuwa umefika tu kwenye kiuno chake, baada ya kauli yake ya mwisho
mateso yaliendelea kama hapo awali. Page 6 Bwana akaniambia "Binti, watu wengi wanafikiri kwamba kwa baadhi ya
miziki na vipindi fulani wanaweza kuwavutia watu wa mataifa na
kuwafikia watu walioathirika na
madawa ya kulevya. Hapana! si
watu wanaoweza kumgeuza mtu aache
dhambi, ni Roho Mtakatifu ambaye
anahusika nao na kumshawishi mtu kwa dhambi zake. Ni mimi ambaye
nagusa mioyo. Ni mimi ambaye
nashughulika na moyo ya mtu, mimi pekee ndiye mwenye uwezo wa
kuokoa. Watu wanadhania wao ndio
waokoao. " Hivi ndivyo Bwana aliniambia. Nililia. Hii
ilikuwa ni ngumu kwangu, bado ni
ngumu tu. Nadhani kama wewe ni msikilizaji wa aina hii ya muziki lazima
UACHE. Hii ni kati ya wewe na Mungu
hata hivyo. Mimi nimefanya kutimiza mapenzi ya Mungu
kukueleza, Siwajibiki tena kwa sababu
nimekuambia kile Mungu alisema. Kama unataka kukubaliana na
hili, kubali. Kama unataka kukataa,
kataa, nimetimiza wajibu wangu. Hili ndilo jambo analolihitaji kwangu.
Kama nisipomtii, Kuzimu inanisubiri
(Ezekiel 3,16-21). Sitaki kwenda mahali pale na kuishia katika mateso,
tayari nimetembelea huko mara 3,
mahali pale ni halisi kuliko maisha haya ya Duniani. Tulipoondoka kwenye
shimo la Mark alianza kutukana/
kukufuru. Bwana aliniambia 'Ukiondoka katika eneo hili
kawaambie kanisa langu waniabudu
mimi katika Roho na Kweli ". Yohana 4:23 23 Lakini wakati unakuja,
tena umekwisha timia, ambapo wale
wanaoabudu inavyostahili watamwabudu Baba katika roho na
kweli. Watu wanaoabudu kwa njia hii
ndio anaowataka Baba. 24 Mungu ni roho na wote wanaomwabudu
imewapasa kumwabudu katika roho na
kweli." (Pia angalia Col 3,16-17, na Eph 5, 17-21) MKE WA MCHUNGAJI Tulipokuwa tukienda kwenye eneo
jingine tofauti nikamuona mwanamke
Kuzimu. Alikuwa akilia" Siwezi kuvumilia tena. Siwezi kuvumilia tena!
Bwana, nisaidie." Huyu mwanamke
aliwahi kumtumikia Mungu kwa miaka mingi wakati alipokuwa duniani.
Baada ya maisha haya hauwezi kupata
thawabu ni kwa miaka mingapi ulimjua Bwana (Ezekieli 18:21-32 ).
Tunarithi wokovu(salvation) tu kwa njia
ya kumtumikia Mungu kwa mioyo yetu yote na maisha yaliyo katika
mapenzi yake ( Mathayo 7: 21-23 ). Huyu
mwanamke alijua neno la Mungu. Hata kuhubiri neno la Mungu
alilihubiri, lakini alikuwa kuzimu kwa ajili
ya dhambi ya uzinzi ((Admin Note: 'Once Saved Always Saved' is a
false doctrine, a Christian can indeed be
disqualified – Gal 5, 19-21, Eph 5, 3-5). Hii ilinifanya niwe na huzuni
sana na ilinisumbua. Kuzimu, aliteswa
na majoka katika namna ile ile makahaba walivyokuwa wakiteswa.
Alikuwa akiyaambia mapepo " Mimi ni
mke wa mchungaji, msiniguse. msinifanyie hivi". Mapepo yaliendelea
kumtesa hata hivyo. Bwana
alinithibitisha kile mwanamke huyu aliniambia kuhusu uzinzi. Alisema, " Yeye yuko mahali hapa kwa kufanya
uasherati na uzinzi. Duniani yeye alikuwa mke wa mchungaji ambae
pia alihubiri neno la Mungu. Alikuwa
na watoto pia, lakini hii haikumfanya aache usaliti kwa
mume wake ". Unajua nini? Dhambi hii inafanyika
katika makanisa mengi. Hata Watumishi
wengi wa neno la Mungu wamefanya dhambi hii. Hii ni lazima
kuachwa. Hii imeendelea kwa muda
mrefu sasa. Mpingeni shetani naye atawakimbia. Weka imani yako kwa
Yesu. Ilikuwa ni ngumu kwa mimi kuona
hili. Ni huzuni kujua mara nyingi hili linafanyika. Wagalatia 5:19 19 Basi matendo ya
mwili ni dhahiri nayo ni haya: uasherati,
uchafu, ufisadi, 20 kuabudu sanamu, uchawi, uadui, ugomvi, wivu, hasira,
fitina, mafarakano, uzushi, 21 husuda,
ulevi, ulafi na mambo mengine yanayofanana na hayo. Nawaonya,
kama nilivyokwisha waonya kabla,
kwamba watu watendao mambo kama haya, hawataurithi Ufalme wa Mungu. Page 7 MWINJILISTI KIJANA KATIKA
MIALE YA MOTO Kisha nikasikia kijana analia "Nisaidie
Bwana, Nisaidie" kijana ambaye alikuwa
analia alikuwa mwinjilisti duniani. Yeye alifanya uasherati mara
kwa mara. Neno la Mungu
linatahadharisha "Kama hawawezi
kujidhibiti wenyewe wanapaswa kuoa. Ni afadhali
zaidi kuoa kuliko kuwaka kwa tamaa
"(1Cor7). Ni afadhali kuoa na kuepuka dhambi, kwa maana kama
ukiishi katika dhambi na ukafa
utakwenda motoni/kuzimu. Mtu huyu alikuwa mhubiri wa neno la Mungu. Hii
inatufundisha kwamba tunapaswa
kuomba bila kukoma na siku zote tuwe macho kwa ajili ya mitego ya adui,
ambaye anatafuta jinsi gani anaweza
kuwashambulia watumishi wa neno la Mungu. Kuna mamilioni ya
mapepo ambayo yako tayari kwa
kuwajaribu wahubiri. Ni muhimu sana kwa kanisa kufanya maombi kwa ajili ya
wachungaji wake, nyumbani na duniani
kote. Wanahitaji ulinzi kwa mashambulizi ya kila wakati.
Niliposogea mbali kidogo miali ya moto
ilimvaa na kuanza kumuunguza. Moyo wangu uliumia sana kwa ajili ya kijana
huyo. Hata sasa bado ninasikia huzuni
kwa ajili yake. Nashiriki hili ili na wewe utambue ni lazima kutii neno la
Mungu. 1 John 2:3 3 Na tunaweza kuwa na
hakika kwamba tunamjua Kristo ikiwa
tunatii amri zake. 4 Mtu ye yote akisema, "Ninamjua' 5 Lakini mtu ye
yote anayetii neno lake, huyo ndiye
ambaye upendo wa Mungu umekamilika ndani yake kwa kweli. Hivi
ndivyo tunavy ojua kuwa tumo ndani ya
Kristo. MCHUNGAJI ALIYETESEKA
KUZIMU Katika sehemu iliyofuata nilimuona
Mchungaji akiwa katika mateso. Alikuwa
ameshikilia mikono yake kwa namna ambayo alionekana kama
anakunywa pombe, alikuwa kama mlevi.
Niliwaza, mchungaji mlevi Kuzimu? Alikuwa ni mnafiki katika kanisa. Alikuwa
mchungaji aliyechunga kusanyiko
kubwa lenye washirika wengi. Yeye pia alikuwa mwongo na mzinifu.
Pembeni na mchungaji alikuwepo pepo
ambaye ilionekana kama ni mwanamke na aliendelea kuwa mlevi na
mzinzi na pepo ambaye aliyemtesa. Mtu
huyu alisema "nilikuwa mchungaji, nilihubiri neno la Mungu
lakini sikuwa naishi neno la Mungu.
Nalipenda kulewa na pia kumsaliti mke wangu. Kamwe sikutubu dhambi
hizi. "Mtu huyu alijua kwamba neno la
Mungu linasema wazinzi hawataurithi ufalme wa mbinguni, wala
walevi (Gal 5:19-21 & Rev 21,8). Watu wengi duniani wanahubiri neno la
Mungu lakini wanaendelea kuishi katika
dhambi. Watu inawapasa kuachana na dhambi na kuanza
kumtafuta Mungu. Mchungaji huyu
aliniambia "Ni lazima uwaonye watu
wasije mahali hapa. Tafadhali, ni lazima
uwaonye kanisa waepuke moto wa
Kuzimu." Bwana kisha akanionyesha katika screen kubwa sehemu ya maisha
yake. Duniani alihubiri wakati mke wake
alikuwa pamoja naye akimsaidia huduma yake. Alikuwa tajiri
na mwenye mafanikio, lakini sasa
kuzimu, alikuwa hana nafasi ya wokovu. Hakuwa na mwanamke
aliyempenda duniani. Kwa milele yote
alichonacho ni adhabu ya milele ... adhabu, adhabu, adhabu, hiki ndicho
alichonacho! Ilinikatisha tamaa
nilipoona jinsi mchungaji anaweza
kuishia katika Kuzimu na nikamuambia Bwana
mimi sitaki kuona mambo haya tena, pia
hata kuhubiri. Bwana akaniambia "Binti yangu, ni lazima kutimiza mapenzi yangu. Ni Lazima
kutii, nitakuonyesha ni kwa nini ". WITO UKIKATALIWA, HATMA
YAKO INABADILIKA Tulipoingia selo nyingine kulikuwa na
mwanamke na BWANA aliniambia
mambo mengi kuhusu yeye. Aliitwa katika wito wa kumtumikia Mungu kwa
huduma akiwa na umri wa miaka 15.
Wakati huo alimwambia Mungu "siko tayari kwa ajili ya huduma", "mimi
bado ni mdogo. Niruhusu nimalize shule
vyema". Baada ya hilo tena BWANA akamwita tena. Alisema pia
"Nimeolewa sasa, ni lazima nizingatie
kutunza watoto wangu. Huu si wakati . " Baada ya watoto wale kukua
na kuanza kuwa na familia zao wenyewe
mwanamke alizingatia Page 8 kuwalea wajukuu wake. BWANA
aliniambia" Niliendelea kumuita katika maisha yake yote, lakini yeye alinipuuza, na kukataa wito wake ." Bwana akaniuliza " Je, wewe utakataa mwito wangu ? " Mimi nilisema " Hapana BWANA. Lakini Bwana hii si
rahisi kwangu". Bwana akaniambia "Ni mimi nizungumzae kupitia wewe. Mimi ni Njia, Kweli, na Uzima.
Mimi nitakusaidia na kukuongoza
wewe." Nilikuwa ninalia na nikaweka ahadi " Sawa BWANA, Mtu
yeyote akiinuka dhidi yangu na ainuke.
Umenihahidi utakuwa pamoja nami hivyo nitaendelea haitojalisha
chochote. " Siendi kuishia hapa." Hivi
ndivyo nilimuambia Mchungaji wangu hivi karibuni, Nataka kuendelea
kwa sababu ni lazima nitimize wito wa
Mungu juu ya maisha yangu. Huyu mwanamke hatimaye alikuwa
mzee na akafariki na akaenda kuzimu
kwa ajili ya kutotii. Karibu roho 5000 za watu wamepotea kuzimu
kwa sababu yake. Mapepo kule kuzimu walikuwa wakimwambia " Angalia uone, roho nyingi za watu wako
hapa kwa sababu yako" Alimwangalia
Yesu na kulia " Bwana nisamehe kwa kutotii wito
wangu.Nisamehe kwa kutokuitikia."
Watu wangapi leo ulimwenguni wako
katika hali hii. BWANA anapokuita na
kukuchagua, ni lazima utii. Bwana
aliniita mimi nikiwa na miaka 17.
Nilikuwa sijui chochote kwa habari ya Biblia.
Kutokea hapo Roho mtakatifu amekuwa
akinifundisha. Kuzimu, Huyu mwanamke aliendelea kumsihi BWANA
kwa msamaha kwa kukataa wito.
BWANA akasema " Huna fursa nyingine zaidi ya msamaha". Bwana kwa machozi akaniambia "Usinikatae" Nimekuita na kukuchagua wewe. Wewe ni Mlinzi wangu ili
ulipeleke Neno langu ulimwenguni
kote." (Ndugu Msomaji) Mungu amekuchagua
wewe ili uisikie ujumbe huu. Wengi
hawata usikia. lakini Mungu amekuchagua wewe uusikia. Yule
mwanamke kuzimu alimwambia BWANA
mimi ni mdogo,nasoma, shughuli nyingi, wakati bado. Angalia kile
kilichotokea kwenye maisha yake.
Ametubu lakini hivi sasa amechelewa. Sasa ninakuuliza wewe, Kitu gani
ungefanya? Je, utatii kile Bwana
anakuita ukifanye? Umechaguliwa na BWANA ili uwafikie waliopotea.Ni lazima
kutimiza kusudi la Mungu Kwa sababu
ametuchagua sisi ili tukae katika kusudi lake timilifu. Kama
tutafanya hivi basi tutakuwa katika
uwepo wake milele yote. Usiendelee kukataa zaidi, pokea.Roho Mtakatifu
atakuongoza, na sio mwanadamu.
Mungu mwenyewe atakuongoza. Mwanamke huyu aliendelea kuteswa na
mapepo kuzimu. Yalimueleza "Mungu
alisema na wewe na akakuita. Haukumtii BWANA na sasa uko mahali
hapa milele". Nililia nilipokuwa namuacha yule
mwanamke na nikamsihi BWANA anisamehe kwa kutaka kuacha
kuhubiri neno lake. Unafahamu ni kwa nini nilitaka kuacha
kuhubiri? ni kwa sababu baadhi ya watu walianza
kunishtaki wakisema mimi ni nabii wa uongo. Baada ya kujionea
mwenyewe uzoefu huu sijali tena mashtaka yao juu yangu.
Wanaweza kusema chochote wanachoweza kusema lakini
nitaendelea kuhubiri neno lake. Bwana aaliniambia "Usiwaogope wanadamu, niogope mimi. Usijali kuhusu maoni
yao, niangalie mimi." Sasa ni kwa nini tuogope maoni ya watu.
Wao hawawezi kukuhakikishia uzima wa milele, bali ni
Yesu pekee awezaye.Hata kama watu wataendelea
kukupinga, usiruhusu hilo liwe ni
kikwazo na kukufanya uache. Mashitaka yao nay awe sababu ya
kukuinua na kukufanya imara. Mungu
atatumia hili kukusaidia kuvumilia na kusonga mbele. Majaribu tuliyonayo ni
magumu lakini Yesu yupo pamoja nasi. Page 9 Luka 12 4 Nawaambieni ninyi rafiki zangu: msiwaogope wale wanaoua
mwili, wasiweze kufanya kitu kingine zaidi. 5 Nitawaonyesheni yule ambaye ni lazima kumwogopa: mwogopeni yule
ambaye baada ya kuua ana uwezo wa kumtupa mtu katika moto wa
Jehanamu. Naam, ninawaambieni,
mwogopeni huyo.- Yesu. KUJIUA Bwana alisema "innaniuma sana kuwa Upendo wa wengi katika dunia
umepoa. Majaribu mengi sana yanakuja kwenye dunia.
Nitakuonyesha mmojawao ambaye
mwanzo alinipenda na kunitumikia." Tulipokaribia sehemu nyingine mtu moja
akapaza sauti "Bwana wangu Mungu
wangu nilikuwa nikikupenda sana. Nilikuwa nikitaka kufanya
makusudi yako kila wakati, lakini
nilikuwa na nia mbili. Sikuwa na
msimamo madhubuti katika safari yangu nawe
Nilipokuwa nikihubiri uliniongoza.
Wakati huo nilikuwa nimtiii kwako. Lakini mara nilikuwa nikikuacha na
kurudi kwenye mambo yangu ya kale.
Nikirudi kwako, unanirejesha Mimi tu hawakuweza kusimama maisha
yangu. Hiyo ndiyo maana Mimi alijiua.
Sikuweza kujisimamia maisha yangu. Ndiyo maana nilijiua." Mtu huyu kuzimu ni muuaji.Kuwa muuaji
sit u kukpiga mtu na risasi au kutoa
mimba. Mauaji pia ni pamoja na kuchukua uhai wako. Kama ukijiua
unakwenda Kuzimu. Imeandikwa:
Hakuna muuaji atakayeurithi Ufalme wa Mbinguni' (Gal 5,19-21, Ufu 21,8).
Hakuwepo katika uwepo wa Mungu kwa
sababu alijiua.Unajua nini, kama wewe ni mmojawapo wa wale watu
wanaochoka kumtumikia Mungu,na
huwezi kuendelea, umechanganyikiwa, Umechoka kumtumikia Mungu, labda
inawezekana Dunia inakuvuta.
Nakueleza kataa matamanio ya mwili, Kataa!! Tembea katika Roho.Mungu
atakusaidia ukae katika kusudi lake. Hili
sio jukumu la wachungaji au mtu yeyote mbali na wewe mwenyewe.
Unatakiwa kuitika muongozo wa Roho
Mtakatifu. Wagalatia5:16 Basi, nasema hivi: mwenendo wenu na uongozwe na Roho,
nanyi hamtafuata tena tamaa za kidunia. 17 Maana, tamaa za kidunia hupingana na matakwa ya Roho; na
matakwa ya Roho hupingana na tamaa za kidunia. Mambo hayo mawili
hayaafikiani; kwa sababu hiyo hamwezi
kufanya yale mnayotaka ninyi wenyewe. HATARI YA KUPIGANA,
MGAWANYIKO NA NA UGOMVI
USIO WA KIMUNGU Baada ya kuondoka katika eneo lile -
watu wawili walikuwa wakipigana
Kuzimu. Mapigano kuzimu Hii ilikuwa ni ufunuo wangu wa mara ya 3
wa kuzimu na sikuwahi kuona hili. Kuna
makanisa mengi ambayo yamejazwa na wanafiki. Wanaume
ambao ni wazuri makanisani lakini
kiukweli hupigania maslahi. Wanapigania fedha, hupigania waumini
makanisani, nao huendelea kupigania.
Wanafiki! Nafsi ni mali ya Kristo. Fedha si kwa ajili ya watu, ni kwa
ajili ya kufanya kazi ya Ufalme wa
Mungu. Watu hawa wawili walipigana kwa hasira na wanaume
wengi zaidi walikuja na kujiunga katika
mapigano. Mapepo yaliendelea kuwapa mateso wakati wao
wakiendelea kupigana. Moto
ukawachoma na walikuwa katika
adhabu kubwa, walipiga kelele na mayowe kwa
uchungu. Nilimuuliza Bwana "Kwa nini
wanapigana?" Bwana hakunijibu.
Nikawageukia watu wale na kuwaambia "Acheni! Mbona mnapigana? Mko katika
mateso na mnaendelea kupigana.
Niambie kwa nini mko mahali hapa, nataka kujua. "Mtu mmoja alinitazama
na kusema" Tunapigana kwa sababu
hatuwezi kutoka mahali hapa. Tunafanya vile vile tulivyokuwa
tukifanya duniani. Duniani tulipigania
maslahi/faida,Tulipigania washirika na kuwasogeza kwenye mikusanyiko yetu,
tulipigana ili kupata zaidi kwa ajili yetu
wenyewe. Sasa nimetubu na ninaomba msamaha kwa Mungu. Lakini
najua Neno la Mungu kabisa kuwa
stoweza kusamehewa." "Watu hawa walipigana muda wote. Bwana
aliniambia "Kuna watu wengi duniani ambao mwanzoni walikuwa watumishi waaminifu, lakini sasa
wanaelekea mahali hapa. Waambie
wasije mahali hapa. " Page 10 Huu ni wajibu wangu. Nimekuwa
nikiwaonya wachungaji pia. Nimekwenda kwenye maeneo ambapo
lengo la huduma limekuwa kutengeneza faida. Kuna
wachungaji ambao wanapigana kwa ajili ya fedha na
kuwachukua wajumbe wa makanisa. Hii ni sababu ileile ya watu
wale waliokuwa wakipigana kule kuzimu. Pia nimekuwa
katika maeneo ambapo wachungaji wanampenda Mungu kwa
mioyo yao yote.Wako tayari kutoa uhai wao kwa ajili ya Injili
na wanapenda kufanya kazi kwa ajili ya Ufalme wa Mungu.
Lakini pia kuna wachungaji ambao ni wanafiki, lakini
wote hawa pia. Hii ni bure na hivyo ndivyo ilivyo kwa baadhi
ya wainjilisti. Inatisha kwamba baadhi
ya viongozi wanapigana ili kuchukua washirika kwenye makanisa
yao wenyewe. Wanataka kujaza
makanisa yao kwa urahisi. Nafsi/Roho si zetu, ni zake Yesu Kristo. Hizi ni roho/
nafsi zilizo kuzimu kwa sababu hizi.
Hakuna unyenyekevu katika mashindano. Mungu hapendelei sisi tugawanyike.
Anapenda tuendelee kuungana kama
ilivyo hivi sasa. Angalia jinsi wachungaji ambavyo wamekuwa
wakikusanyika hivi leo, Huyu ni
mchungaji na huyo na huyo.
Tunakutana kwa kusudi moja tu. Mungu anatutaka
sisi tushikamane. Anataka kutuona
tukisaidiana. Haijalishi unatokea wapi. Unaweza kuwa umetokea
Ufaransa au New York au Italy,
haijalishi. Bado unaye Roho Mtakatifu
Yule Yule. Mungu anatutaka tuwe wamoja.
Sisi ni mwili mmoja na yeye ni Kichwa. Imetupasa kuungana pamoja kwa ajili
ya kazi ya Mungu, na pia ni lazima
tupendane sisi kwa sisi, tusiwe kama wale watu wanaoishia kuzimu. Angalia
jinsi walivyomalizikia Kuzimu,
wanapigana na kutongea maneno machafu wao kwa wao. Ilinifanya
nijisikie vibaya. Baada ya uzoefu huu
nililia sana. Nililia kwa sababu inaniuma kuona jinsi wanaume na
wanawake wengi wanapigania vitu vya
ulimwenguni. Hawapigani kwa mambo yaliyo muhimu, mambo ya
rohoni. Usipiganie vitu vya mwilini bali
pigana na shetani mwenyewe ili tusikose Baraka zetu. Baraka za Mungu
ndizo njema kuzipigania, lakini kupigana
na kusababisha mgawanyiko ndani ya kanisa si jambo la Mungu. Inaniuma kuona adhabu ya milele ya
watu wanaosababisha migawanyiko.
Nilipokuwa nikiwaona watu hawa wakipigana Kuzimu, Mmojawao
aliniambia "utakarorejea duniani
waambie watu wasipigane au kusabisha migawanyo". Labda kwa siri unapigana
na kusababisha migawanyo. Labda
katika jamii unapingana na watu. Mungu akuaiishi ila anakusahihisha.
Anataka uwe na moyo wa unyenyekevu
na roho iliyopondeka.Tubu na usirudie kosa. Mungu anatamani
kutuona tumeingia katika uwepo wake,
lakini imetupasa kutembea katika utakatifu. Ni lazima tuwe watatakatifu
kwa sababu yeye ni mtakatifu. Waebrania 12:14 Tafuteni kwa bidii
kuwa na amani na watu wote, na huo
utakatifu, ambao hapana mtu atakayemwona Bwana asipokuwa nao;
15 mkiangalia sana mtu asiipungukie
neema ya Mungu; shina la uchungu lisije likachipuka na
kuwasumbua, na watu wengi wakatiwa
unajisi kwa hilo. MATEKA Kuna mambo mbalimbali ambayo
hufanyika kuzimu. Sikutaka kuona kitu
kingine chochote baada ya kuona watu wale waliokuwa wakipigana. Lakini
kabla ya kuondoka Mungu alinionyeshea
roho za watu walio kuzimu ambao bado wako hai duniani. Watu
hawa wamefungwa na kuonekana kuwa
katika magereza/selo. Huu ufunuo wa Mungu alionipa ni sawa na
kile nilichosikia watumishi wengine wa
Mungu wakisema katika Page 11 shuhuda zao. Kuzimu nikamuona
msichana Ninayemjua hapa duniani.
Nikamuona msichana huyu katika moja ya selo hizo. Mimi bado sijamweleza.
Bwana akaniambia si wakati wake wa
yeye kumwambia kwa sababu hataweza kulipokea jambo hili. Nisubiri
wakati wa bwana kumwambia. Bwana
atakaponieleza basi itakuwa wakati muafaka wa yeye kusikia.Yeye ni
rafiki yangu. Mimi nisingeweza kujua
kama isingekuwa huu ufunuo. Ufunuo wa Bwana kwangu ni kwamba
yeye alikuwa katika selo kwa sababu
alikuwa mtumwa wa dhambi (Rum 6,16). Nilisema "Bwana Sielewi.
Nilinaona nafsi/roho zikianguka katika
tanuru na kutua ndani ya kuzimu lakini zingine ziliishia mahali hapa." Niliona pia
Wakristo wenye nia mbili wakiishia
mahali hapa. Niliangalia na kuona watu wengi wamefungwa na
dhambi. Bwana aliniambia "msichana unayemuona anaishi katika uasherati. Yeye pia ana chuki/
uchungu katika moyo wake, si amani
yangu. Nenda kuzungumze nao ". Bwana alisema "wao" kwa sababu
kulikuwa na msichana mwingine mahali
pale ambaye nilikuwa namjua. Wasichana wawili walikuwa katika
sehemu ile ya utumwa. Wasichana hao
wamefungwa na dhambi (Yohana 8,31-36, Rom 6,15-21). Bwana
akaniambia "Nenda ukawaambie kwamba nataka kuwaweka mateka
huru na kuwakomboa. Nataka kuwakomboa
kutoka katika magereza waliyomo
na kufanya mambo makubwa katika maisha yao ". Mimi nilijibu "Ndiyo Bwana nitawaambia". Tulipoendelea kutembea niliona roho
nyingi kwenye utumwa. Kwa bahati
mbaya, wote walikuwa wamemjua Mungu kwa wakati fulani. Tulitembea
hadi kwa mwanamke mwingine
niliyemjua, ambaye alikuwa katika hali hiyohiyo kama rafiki yangu. Alisema kwa
kilio "Bwana Siwezi kubaki hapa tena."
Bwana akamwambia "Hii ni dhamiri yake, yeye anaishi katika
uasi/kutokutii, katika dhambi." Alinifunulia mambo zaidi kuhusu mwanamake huyu akasema "Nenda kawaambie wanawake hawa yale
umeona." Tayari nimesema na mmoja lakini bado mwingine ( Tukirejea
nyuma), bado wakati muafaka. Baada ya
kusema nao inakuwa ni wajibu wao kupokea hilo au la. Mungu anataka
kuwaweka huru mateka na kuwafungua
wale waliofungwa. Anataka kukutoa wewe nje ya utumwa na uteka
na kuwapa uhuru. Chuki husababisha
utumwa. Chuki, uchungu na hisia hizi zote husababisha kufika mahali
hapo. Lazima kumwomba Mungu
kutafuta moyo wako, ni nini katika moyo wako? Kukiri kwamba kuna umuulize
Bwana auchunguze moyo wako. Mungu
atavunja minyororo hiyo na kukutoa katika gereza hilo. Ukikiri na
kutubu Bwana atakuweka huru, lakini
kwanza lazima kukiri dhambi na kutubu. 15 Basi, tuseme nini? Je, tutende dhambi ati kwa sababu hatuko chini ya
Sheria bali chini ya neema? Hata kidogo! 16 Mnajua kwamba mkijitolea ninyi wenyewe kama watumwa na kumtii
fulani, mnakuwa kweli watumwa wake mtu huyo--au watumwa
wa dhambi, na matokeo yake ni kifo, au
wa utii, na matokeo yake ni kukubaliwa kuwa waadilifu KUZIMU & ZIWA LA MOTO Kisha Bwana alianza kunipeleka juu na
kunitoa nje ya Kuzimu. Ilikuwa kama
tunapanda ngazi ndani ya handaki lenye giza. Tulipofika juu
nilitazama chini na kuona kuzimu katika
muonekano tofauti. Kuzimu ni mahali pakubwa sana. Katika
muonekano wangu niliona kuzimu kama
sehemu iliyo katikati yenye kina na nikaona pia ziwa la moto
vimetenganishwa. Ziwa la moto lilikuwa
chini ya kuzimu.Hivi ndivyo ambavyo naweza jaribu kuelezea kile
nilichokiona. Niliona mkusanyiko
mkubwa wa moto na salfa. juu ya
mkusanyiko huu niliona umbo la mdoli,au mwili.
Mkusanyiko huu ni ziwa la moto, Baada
ya Bwana kunionyeshea Ziwa la Moto tuliondoka. Ufu 20, 15 Na mtu
yeyote ambaye hakuonekana
ameandikwa katika kitabu cha uzima, alitupwa katika ziwa la moto. Page 12 TAFUTA & MTUMIKIE BWANA
MUNGU Kwa wale ambao wanasikiliza au
kusoma ushuhuda huu napenda kusema hili nanyi. Mungu amekupa
ujumbe huu kwa sababu Yeye ni halisi! Hatumtumikii mungu wa mbao.
Hatumtumikii mungu mfu. Tunamtumikia Mungu aliye hai.
Aliniambia "Mimi kamwe sibadiliki! Ninaendelea kuwa Mungu
aliye hai! Mimi ni Mungu wa Ibrahimu, Isaka na Yakobo. Ni Mungu wa jana, leo na hata milele. Sijawahi kubadilika na kamwe
sitabadilika. "Usisahau kuwa tunamtumikia Mungu mkubwa. Tafuta
uwepo wake katika Roho na Kweli. Usiwe mnafiki, mtumikie Yeye
katika Roho na Kweli. Mungu ambariki
kila mmoja na kila mmoja wenu. Muda unatuacha.Mungu anahitaji
kanisa lake tutembee katika
Utakatifu.Kila muda unaapokwenda tusiukumiwe na dhambi.Sasa ni
muda muafaka.Mpokee Yeu kama
BWANA na Mwokozi na umtumikie yeye kwa moyo wote. Ndugu aliyefasiri ufunuo wa 3 wa
mbinguni na kuzimu wa Angelica
Zambarano ni Peter Kahale ni kijana aliyeokoka na anampenda Yesu na
mwenye shauku ya kuhubiri injili ya
Yesu Kristo. Simu ya Mkononi:
+255-769-610460,
+255-653-610460. Barua Pepe:
kahalepeter@gmail.com
Hakuna maoni:
Chapisha Maoni